يقطعك يا قلب ٍ ليا قلت لـه عـي
عن درب مالك في مساريـه حاجـه
ارقد واقـوم وكننـي فاقـد ٍ شـي
واثري فقدت القلب يـوم المواجـه
واشوف ناس ٍ حبها كان بـي حـي
واثرك ذبحت الحب داخـل سياجـه
واصبح قليبي قلبـك وقلبكـم لـي
قلب ٍ فلا مثلك من النـاس داجـه
ذقت القراح وثم ٍ اسقيتـك شـوي
عقب القراح اشلون بشرب هماجـه
عقب الضما جيت اطوي دروبكم طي
مسرا ظلام وطيفكـم هـو سراجـه
خبري بزولـه يـوم مريـت بالحـي
ضايق ومـن جيتـه تغيـر مزاجـه
واليوم لا من زول والمنـزل إخلـي
ماضنتي بشوف ضحكـة حجاجـه
ضيعت قلبن كنت انا به وهـو بـي
واليوم وسط البحر داخـل زجاجـه
ماضقت مثل الضيقه اللي معـي ذي
والشوق يزعـج بالحنايـا زعاجـه
آخر علاج ٍ للمـرض قالـو الكـي
واللي كواه الحب وشهـو علاجـه