الله يجزاك خير ياباشا وسعت صدورنا
مو قايله لك عندك موهبة ولازم تنميها
ألحين أقولك بعد طلع كتاب أكتب فيه هالمواقف وتسميه مذكرات الباشا ، وإذا بغيت أقدم لك وأقرظ لك على غلاف الكتاب علشان تصير شهرته أكبر مافيه مشكلة ، فيكون
من تأليف الباشا ، وتقديم وتقريظ البتول .

يعطيكم العافية على التشجيع احس القصة اعجبتكم ( بس لاتكون ترفعون بي ) بس
البتول شكرا للمدح والتشجيع الراقي
انا فهمت ان الكتاب من تقديمك بس تقريظ هذي مافهمتها

اما انت يالكنق رايك بالنسبة لي مثل غطاء البنزين لو ضاع تبي تاقف السيارة هع


الجنرال رايك محل اهتمام بحاول اختصر شوي

انتظر الجديد بأذن الله

انا فهمت ان الكتاب من تقديمك بس تقريظ هذي مافهمتها
هذا معناها
قرظ فلاناً :معناه مدحه وأثنى عليه , قرظ الكتاب أي وصف محاسنه ومزاياه

انظر المعجم الوسيط مادة : ق ر ظ

ماشاء الله عليك البتول ومشكوره على التوضيح
اما بالنسبة لمعنى كلمة ترفعون في \ يعني تمدحون مجامله \

مساء الورد والفل والياسمين ..
مساء مايليق الا بأحبابي
دخول ( يقلد الصور )
من زمان وانت عن عيوني غايب وفي غيابك ( ارتحت من وجع راسي ) هع


جايب لكم اليوم سالفة صارت لي يمكن مانتم مصديق بس هذا اللي حاصل

ان صدقتم زين على زين وان ماصدقتوا برضو زين على زين

السالفة ياطويلين البقاء والسلامة
مرة طلعنا البر انا واصحابي الكلام ذا قبل الجولات
ومعنا سيارة وحدة جاييين عليها كلنا عددنا سبعة ( كل راكبين بهالسيارة تقل ...... )
المهم حنا كاشتين عن الاسياح تقريبا خمسة كيلو
بالنفود اللي حولنا
الكلام هذا باليل قعدنا ننزل العزبة ونجهز اغراض الطبخ تفاجأنا
ان الدافور مخلص ( يعني مافيه غاز )
المهم قالوا اثنين من الشباب نبي نروح نعبي الدافور
قلنا اوك
المهم شغلوا وراحوا
وحنا قعدنا الخمسة الباقين واثناء جلستنا طرت علينا فكرة
قلنا وش رايكم نسوي فيه مقلب
بدين نجمع الافكار الشيطانية ونسولف المهم طرت علينا
انهم اذا جو مايلقون الا شمغنا وعقلنا مدفونات بالتراب ونعولنا مشتته في كل مكان علشان يعتقدون ان حايين قطاعين طرق ولا شي وظاربينا وخاطفينا
المهم يوم شفنا نور السيارة مقبل علينا
سوينا الحركة
ورحنا واتغبينا وراء الطعس (كثبان رملية ) ابوووك يالترجمة ..
المهم العيال جو ولقوا الوضع مزري واثرهم خرييييييييييييييييش
انهبلو
وطوالي ركبوا السيارة ودزوا للأسياح
حنا متغبين وراء الطعس يوم شفنا السيارة حركت وحنا نقمز وراهم ونصوت
ونصوت هيه يافلان هيه نمزح معكم
وهم منخرشين وطبلون السيارة والله ياحنا تحسفنا وضاقت صدورنا
المهم
نتلفت يمين ويسار وكل واحد يطالع في وجه خويه
ويقول وش السواة الحين
طبعا مالنا الا ندقها كعابي للديرة
وخمسة كيلو مشي لين وصلنا البيت
يوم وصلنا من باكر واجهناهم وقلنا لهم ليش تنحاشون ياجبناء
قال والله انا دارييييييييييييييين انك بتسوون فينا مقلب كلنا خلنا نعطيهم جوهم
ونرد لهم المقلب ( ايه هين )
والله يانعولي تقطعت من المشي ماعاد اسوي مقالب مرة ثانية
اتمنى
تعجبكم السالفة
بااااااااااااااايات
الباشا

امطول الغيبات جاب الغنايم . من زمان وانا احتريك تسردلنا سالفه

أجل مشي 5 كيلو زين إنه 5 كيلو ماهو أكثر

احد قالك تسوي مقلب


المهم شكرا شكرا شكرا


على القصه الحلوه


الله يعطيك العافيه يالغالي

الحمدالله ع سلامتكم
يسلمووو ع السالفه الحلوة

مشكور أخوي الباشا

على ها لسالفه

وبنتظار جديدك

مشكور أخوي الباشا

على ها لسالفه

وبنتظار جديدك