هههههههههههههههههه
الباشا يسلمووو
بانتظار سالفه اخرى
تحياتي

شكرا ياكنق هذي وجهة نظرك
ومثل ماقال اخي معاند بحر


أتمنى مايكون محل دردشه او تجريح للغير

شكرا لك
الله يعطيك العافيه يالغالي

باااااااااااااااااك
احلى واقدع سلام للوتين

على المرور
اعتقد الموضوع حق سوالف وقصص مو حق دردش ماودي اعصب صراحه


اليوم ( جايب لكم سالفه )


عنوانها الديك المتقاعد

خبركم عندي دجاج ومهتم فيه كثير بصراحه له عندي اكثر من سنتين
ومعيشهن بقصر ( شبك بس مو أي شبك تقدر تقول خمس نجوم ) جايبه من بريده
وحاط له قفل ولا قفل بنك الراجحي
المهم انا مدلل الدجاج لدرجة انه ماياكل أي اكل 0 اكله من برا المملكه ( من معي )
( ومايطلع الا وقت الذروه ) اعجبتني كلمة الذروه قلت مايضر اسدحها

وتعرفون ان الدجاج مايصلح يصير عندهن اكثر من ديك يعني علشان المشاكل والغيره اللي تصير بين الديكه
وانا مهتم بهذا الامر من الناحيه السكلوجية والتربويه وعلم النفس
فا مخلي معاهم ديك واحد من نوع ( فارسي ) و عادة يكون هذا النوع اقدامه طويله وحجمه اكبر من الدجاج النجدي وانتاجه طيب
مع مرور الوقت وحده من الدجاج واسمها طبعا الذهبية ( ترا مو القناة ) بس سميتها كذا علشان لونها مايل للذهبي
المهم الذهبية بيضه كثير وكل يوم تجيب بيضه لحد ماوصلت الا اربعين بيضه وجاء وقت الرقود على البيض وبدأت الذهبية
بالاهتمام بيضها والرقود عليه لأكثر من شهر لحين يفقس البيض
المهم انا انتظرت الانتاج وتخريج اول دفعة من هالانتاج طبعا مسوي حفل تخريج ( بحظور عدد كبير من الشخصيات )
وفقس البيض ولله الحمد بس مو كل البيض طلع منها تقريبا عشرين صوص والباقي خربااااااااااااااااان ( الظاهر ان الذهبية مخروشه شوي ) فالبيض عاده مايخرب الا اذا كانت نفسيه الام تعبانه بس مدري من هو اللي مضايقة
الصيصان طلع من بينهن خمسة ديكه والباقي دجاج وهذا بحد ذاته انجاز لان كثر الديكه ماوراها الا المشاكل ووجع الرأس
مضي قرابة الخمسة شهور وكبرن الصيصان وطلع من بين الديكة ديك بس مو أي ديك جذاب ورمنسي ومو خكري زي خوانه الباقي يعني مايعرف الجل ولا سراويل طيحني
ولا اسمحلي بابا
فقررت في تمام الساعة السادس صباحا التخلي عن اخوانه لأني مالي لزوم فيه ( خبركم القرارات اللي زي كذا يبي لها تخطيط ودراسات مو أي كلام )

وبعت الديكه اللي مالي حاجه فيهن و اهتميت بالديك الجذاب اللي انا اثق فيه
وبعد مضي اكثر من شهر فرهد الديك وصار يذن اعلان منه بانه جاهز للمهمه ( جزء من النص مفقود )
كل الامر كان ماشي تمام ومثل ماني مخطط له ( لكن المفاجأة ) هي بالديك الاب الذي اعتقد ان تقدم السن اثر فيه وبدأ يخرف لدرجة انه صاير شغله الشاغل طرد الفيران
اللي بالشبك وصار عليه طلعات مدري كيف جايه
تصدقون احيانا يذن الساعة عشر ومره يذن بعد الفجر ومره ياخذ ثلاث ايام ماله حس
تقول محطوط على وضع الصامت
حتى صوته صار مبحوح ومتقطع وشكله ينسى كثير ومايفرق بين الدجاج البياض والدجاج الفروخ
وصار يتحرش بالمراهقات ( من الدجاج ) ويبتزهن ( اما يبتزهن كثر لي منها )
وعلى العكس الديك الولد الشاب بدأ يشق طريقة نحو المستقبل وينظم وقته ( مايأكل الا بمواعيد ومايذن الا على الوقت ) وينام بدري ويصحى بدري
هنا بدأت نار الغيره تشتعل في صدر الديك الشايب ( على ولده الشاب ) ياناس الحسد مشكلة عظيمه
المهم الأبو صاير يحتك بالديك الابن ويضايقة ويذب عليها كلمات ماادري كيف جايه لدرجة ان الولد صابته حاله نفسيه وبدأ ينعزل وكثرة تفاكيره
وتطور الامر الى الضرب ( نعم الا الضرب ) والاشتباك بالايدي والمشكله ان الديك الابن محترم الديك الكبير علشان صلة الرحم والشيبات اللي في وجهة واجب الاحترام
وطول الوقت ساكت له ومايرد عليه
والمشكلة ان الدجاج انجذبن وراء هذا الديك الشاب وصارن يتبعنهن اينما ذهب وكل
وحد ة من الدجاج تنتظر متى هالديك الشاب يذب الرقم او يشغل البلوتوث
بالعربي ضايعات معه وانا مالومهن صراحه شكله مغري
المهم تضايق الديك الشايب منه كثير
ويبدأ يطاول عليه ويحرمه من بعض الحبوب والبقول ( وانا بصراحه ياغافلين لكم الله )
لكني لاحظت الامر بعد ماهزل الديك الشاب وقضت حاله وضعف ودريت ان الامر كله من تحت راس ابو شيبه هالديك الشايب
قلت ابحيله للتقاعد لانه بصراحه ماعاد ينفع ولا هو قادر على الدجاج ( عسى سعيدة بحملها تقوم )
فقررت ابيعة في اقرب جمعة ( تخبرون سوق الدجاج ببريدة في يوم الجمعة بس ) ونويت ابيعة الجمعة القادمه
الديك الشايب صار فطين ودري بي اني ناويه نية ماهي طيبه على اقرب شبك وافتك منه ( خبرة مو أي كلام )
وسولت له نفسه قتل ابنه والتخلص منه واللعين فكر يتغدا بالديك الشاب قبل لاتعشى عليه
وفي صباح اليوم التالي
صحيت على صراخ الدجاج وافزع بسرعة سيدي للشبك واجد الكارثة والطامة الكبرى
وجد الديك الشاب يلفظ انفاسه الاخيره ملتخط بالدماء بعد ان اشبعه هذا الشايب ضربا وماهي الا دقايق واقرش الديك الشاب ومات وعم الحزن الشبك
والمزرعة ( الاماكن كلها مشتاق لك ) والشبوك اللي انرسم فيه خيالك ) ماهو بس انا حبيبي
وانا بصراحة غضبت غضب شديد
واتضايقت
وفتحت الشبك ومن القهر اسطه ذاك الطراق اللي خلها ينسى امه ( هالمجرم شايب وعايب ويقتل بعد ) لاخيره ولا كفاية شره
المهم وانا اخذه للسجن الانفرادي
تمهيدا لمحاكمته بتهمة القتل مع سبق الاصرار والترصد
انا ادري انه واصل وعنده مكتب محاماه بس ان قاله الله ان تطير راسه ..
هالمجرم

اتمنى ان تكون القصة اعجبتكم
انتظروا
جديدي

االباشا

>> اقوى واحد الباشا هع >> والله يا هي نكبهـ صح
أجل كلهم يمدحونهـ وأنت اللي صرتـ بالواجهـه

موقف مُحرج .....
أتمنى لك التوفيق

دخلت برد على سالفتك الاولى ونزلت لك سالفهـ ثانيهـ
عموماً لي عودة لقراءة سالفتك الثانية
حفظك ربي

وهكذا جلساً دجاج الباشا بدون ديك رومنسي ولا ديك شايب
هههههههههههههههه
تعال أعطيك ديك جذاب هدية
الله يعينك على دجاجك ... لكن أنتبهـ من القطاوة
....
يسلمووو على هيك قصة
أسعدك ربي

<<<< يدور احد يدغدعه بيضحك ع هالسالفة











ادري انك انفقعت قهر يا الباشا هههه
بس وسعت صدري واسلوبك رائع بس لو تخفف وتختصر بتكون اروع



نتظر المزيد




اطيب التحايا

هههههههههههههههههههه
بصراحة سالفه شيقة ومضحكه انشديت معاها
اثر الغيره مو بس عندنا حتى عند الدجاج
الباشا اطروحات وقصص طريفه نتظر منك المزيد فأنت مشروع كاتب صاحب روايات طريفة
من الدرجة الاولى
ننتظر جديدك باذن الله
كن سالما

إبدااااااااااااااااااعـ يالباااااااااااااشااااااا
قصه حلوه
<<<<هذا المستخدم فاااطس من الضحك
بس الصراحه ضحكت من قلب على ديكك الشايب
الله يعطيك العافيه يالغالي

وننتظر جديدك