الله خلقني طيب القلب حساس
مشاعري ماهي خداع ومظاهر..
ماأقدر على جرح المشاعر والإحساس
يصعب علي أكسر للأحباب خاطر ..

لوْنّا ضحكنا وجاملنا أهالينا
نضحك ونمزح وكلن داخله جمره
ياعيد لاتخدعك ضجة تهانينا
حنّا نهني عشان الناس ماتشره!
(عبدالله الخزمري)

أحس في قلبك حزن بليا حدود
وأشوف في عيونك بكى غيمة


لا تمسحي الدمعه عن ورد الخدود
لولا الندى ماكان للورد قيمة

عندي من الوقت خبره وتجربة شايب
سبعين غيري تساوت مع ثلاثيني
(عبدالرزاق الهذيل)

غلاك بداخل عروقي ولايوصل غلاك أنسان
يمر الوقت ويثبت لك غلاك إن الله أحياني
بضحي بعمري لعيونك تنام إنت وأنا سهران
وأنادي جروحك لقلبي وتجي واحد ورى الثاني
(فيصل اليامي)

قهرني الوقت الردي والبخـت شـح !
وأجبرني الغالي على طمـرت السـور
ياصاحبي صوتي وانا آصيح بك ..بـح
أبغى وصالك وانـت لاهـي ومسـرور
فهّمتني طـرق الهـوا يالغـلا صـح
واصبحت فيها جامعي .. قوول دكتور
ان قلت روّح جيت! وان قلت لي رح
أروح ..وبطاعة أوامرك ..معذور
(مضحي الرويلي)