لو كل واحد يجـي ودّه علـى ودّه ..

.......... ماطال صبر العقيم لشوف مولوده!!


راعي القناعه ليا من الزمـن حـدّه ..


..........يرضى بحظ ٍ ذخر جوده ومآجـودّه!!



يابيض الأحلام لاتمسين مسـودّه ..



.......... بشايرك في نواصي الخيـر معقوده!!

لا تغرك الضحكه ترى كلي احزان
لو تضحك عيوني ترى كلي جروح
اخفي ورى عيوني من الدمع بركان
ومن خلف صمتي اخفي الهم والبوح ..

ليتني يايمه في عمر الطفولة
اترك الدنيا وأخليها وراي
اجهل الأيام وقلوب ٍ غلولة
واجهل طعونٍ شكى منها حشاي
)
(
)
(

يا رامي المـاء بالحـصى !!
لأجـل الـدواير تكـبر .
لا تـوجـع المـاء أكــثر !!
هـذي حـدود الـمـاآآآآآء .

صدري قفص ويطير لك منه عصفور
يجيك .. لو انك بعيد المسافه

ما جاك شايل معه احاسيس وشعور
الا يبي ينهي بـ.. صدرك مطافه

جا يسكنك من كثر ما لحقه قصور
ما يرجي اكثر من حقوق الضيافه

عزيمته ماتت .. وخاطره مكسور
آخذه .. اذا ماكان فيها كلافه !

يابدر خذ مني نصيحه وأنا أبوك *** مادمت حي وتستمع في سؤالي
أوصيك فرض الله بلا نقص وشكوك*** حتى تفوز بطيبات العمالي
ولأمك وأبوك اللي من الصغر ربوك*** أخفض لهم رحمة جناح التعالي
ووأصيك صدقان الرخاء لايغروك*** هذارت المجلس إعيال الثعالي
ولا صار ماتثني يمينك على البوك*** ينقص مقامك عن مقام الرجالي

للشاعر الراحل /سعد سعود المطيري

اللي بقا لي في غيابك .. سكوتك
واللي فقدته من غيابك .. حنانك
عذرك معك لوخبروني بـ موتــــــك
وحقي عليك إن كان عذرك زمانك
ماكان موعد .. وأعذرك لو يفوتــك
أنا انتظرت العمر كله عشـــــــانك
غبت ورضيت .. وبعدها .. غاب صوتك
وأبطيت أكذب .. من يقولون : خانك
بالله كيف تحس في طعم قـــوتك
لامن ذكرت إنسان .. خنته .. وصانك
ماكن قلبه واحد من بيـــــــــوتك
من تحت سقفه كم شعرت بأمانك؟
وراك خليته .. لعتمة سكوتـــك؟
وأنا مـ غير أعشمه في حنانــــــك
في غيبتك ياكم تمنيت موتــــك
أقل شي .. أرتاح وأعرف مكانــــك
(
)
(
)