اختار اي شئ يرفع ضغطك

08-04-2008

كل شخص عنده قدره على التحمل لكن بحدود صح ولا لا

المهم نشوف كيف قدرة تحملكم مع هالأشياء..

نــــــــــــــــــبـــدأ ..

1_تلعب كوره وأنت حافي ثم فجأة ترفس غطا بياره بكل ماأتيت به من قوه تحسبه كوره..

2_تشرب بيبسي حار..

3_شخص يبتسملك وتبتسم له وأثره يبتسم لواحد وراك..

4_كاشخ ومرسم ومضبط وتتميلح قدام الناس وطرباااااااخ تطيح قدامهم..

5_تنتظر من سنة جدي فيلم يعرض يوم جاء الفيلم أخوك الصغير يصيح يبي السبيس تون..

6_تتابع المباراة وفي قمة الحماس أختك الصغيرة تمر وتفصل الفيش..

7_شريط بلاي ستيشن صعب وموصل مراحل فيه وبقى شوي وتختمه عقبها رحت الحمام ورجعت تلقى الشغاله

فاصلته وشابكه مكنسة الكهرب..

8_تصلي وأنت لابس شراب مشقوق وماسح عليه .
.
9_تدخل الماسنجر وماتلقى إلا اللي ماتبغاهم..

10_تعطي جوالك لواحد ويرجعه لك والرسائل محذوفه..

11_تشرق بمويه..

12_تشوف فيلم وواحد جنبك يقول لك القصة..

13_ تكون عضو وتكتب موضوع ولا احد يعبرك ويرد عليك كن المنتدى فاضي

14_تذاكر وتذاكر وتذاكر وتقطع عمرك من المذاكرة وبعدين تكتشف إن اللي ذاكرته مو داخل معك في الإختبار

15_تكتب موضوع طويييييل وإذا جيت ترسله يختفي ماتدري وين راح

16_تسوي فيها متابع مع الاستاذ وتتورط يسألك سؤال وماتقدر تجاوب..

17_وأنت نايم بعز النوم تجي ناموسه وتغثك..

18_إذا كنت جايب أكل ومشتهيه ومشفي عليه وحاطه في الثلاجه وإذا رجعت تلقاه مأكول..

19_إذا كنت عند رجاجيل ومعك دله قهوة ثقيله وصبيت لواحد وهو ساحب عليك يسولف..

20_إذا أنت رايح الدوام وطالع بدري و يصير الطريق زحمه واخر شي تتغيب

أنا أكثر شي يرفع ضغطي رقم 15

يله نشوف كل واحد وش يرفع ضغطه